青心直說 [胡孟青] 20151222

分析別要照單全收



明明是路人皆見嘅不公義人和事，不吐不快！要感激把拙文鋪上fb的先生，即使一如預期惹來不速之客。

提出理據才具說服力

平時的財經分析文章被指不夠昨天那篇好看，真令人有點難為情。當你的專欄被拿來與歪理當真理的指路明燈式怪論比較時，肯定不會精彩得去哪裡，不速之客認為有人點條黑路佢行，但先要弄清楚投資市場是龍潭虎穴，星級分析員輸凸屢見不鮮，指控或標籤別人有何難？有證有據、具體說明才是高手。
鬧得689都唔係憑空構想，成篇稿大半係時間、人物、地點，分析亦建基於此，分析能力不需要太高亦會懂的，若視力冇問題、有帶腦出街，又點會人家講乜你都照單全收？香港地通街老千騙子，如此不假思索，唔止大把黑路你行，仲有大把黑洞等緊你跌落去！
平時文章對行內不公平事的鞭策或者太少人看，竟然兩年前寫過倫敦上市、和黃旗下的Hutchison China Meditech（HCM）當時每股6英鎊，今天每股26英鎊唔見有人提起，好肯定一係讀者都是股神，嫌棄咁嘅升幅、或者就係根本冇睇過我過去多年嘅文章，無的放矢人身攻擊。
如果係來自啱啱出世嘅BB，亦不好意思怪人哋冇家教了。投資市場只有贏家和輸家，何來有專家？人家講兩句佢就照單全收咁叻，真係抵讚！啲細路個個咁聽教聽話，父母就可以少擔心，689通街收兵亦冇難度！既然冇人欣賞，下月財經分析亦將自動減？